Nýr markaðsstjóri Norðlenska
16.10.2019 - Lestrar 811
Drífa Árnadóttir hefur verið ráðin í starf markaðsstjóra Norðlenska.
Drífa er með B.Sc. próf í viðskiptafræði frá Háskóla Íslands með áherslu á alþjóðlega markaðsfræði. Hún hefur víðatæka reynslu af markaðs- og sölumálum, var markaðsstjóri Innnes á árunum 2006-2012 og verkefnastjóri í markaðsdeild HBL Nordics með aðsetur í Osló á árunum 2012-2016. Hún hefur verið markaðsstjóri hjá Kaupfélagi Skagfirðinga frá júlí 2016 og borið þar ábyrgð á markaðs- og vöruþróunarmálum samstæðunnar ásamt því að stýra dótturfélaginu Protis ehf.
Drífa mun hefja störf að loknum skyldum sínum við núverandi vinnuveitanda.
