Nýjustu fréttir

Tíu ár voru á mánudaginn frá því vinnslulína frá Marel var tekin í notkun í sláturhúsi Norðlenska á Akureyri. Skömmu áður hafði samskonar lína verið sett upp í sláturhúsinu á Húsavík, og í tilefni þessara tímamóta sendi Marel starfsfólki Norðlenska á báðum stöðum nokkrar glæsilegar tertur sem gerð voru góð skil á mánudaginn.

Tveir nemar luku sveinsprófi hjá Norðlenska í vor eins og áður hefur komið fram. Þetta eru Höskuldur F. Hermannsson og Arnleif S. Höskuldsdóttir og þar að auki var Rúnar Ingi Guðjónsson að útskrifast með meistararéttindi. Hann hefur starfað hjá Norðlenska síðan í október 2004 og útskrifaðist sem sveinn hjá fyrirtækinu vorið 2008. Þremenningarnar fengu viðurkenningu frá Norðlenska í vikunni.

Lifrabuff eða Latabæjarbuff eins og það er stundum kallað er afar hollt og næringarríkt.