Fréttir

Norðlenska óskar eftir að ráða metnaðarfullan einstakling í starf innkaupastjóra. Viðkomandi mun heyra undir framleiðslustjóra.

Helstu verkefni og ábyrgð:

• Umsjón og ábyrgð á innkaupum
• Umsjón með útflutningi
• Birgðastýring
• Umsjón með rekstrarvörulagerum
• Undirbúningur vörutalninga og úrvinnsla gagna
• Samskipti við birgja og flutningsaðila
• Önnur tilfallandi verkefni

Menntunar- og hæfniskröfur:

• Háskólamenntun sem nýtist í starfi æskileg
• Reynsla af innkaupastjórnun kostur
• Agi og nákvæmni í vinnubrögðum
• Frumkvæði og sjálfstæði í vinnubrögðum
• Mjög góð hæfni í mannlegum samskiptum og hæfni til að vinna í teymi
• Gott vald á íslensku og ensku í máli og riti
• Góð tölvufærni

Norðlenska matborðið ehf. er eitt stærsta og öflugasta framleiðslufyrirtæki landsins á sviði kjötvöru. Höfuðstöðvar fyrirtækisins eru á Akureyri, en fyrirtækið er einnig með starfsstöðvar á Húsavík, á Höfn í Hornafirði og á höfuðborgarsvæðinu. Hjá fyrirtækinu starfa um 180 manns.

Umsóknarfrestur er til og með 22. janúar nk. Umsækjendur eru vinsamlegast beðnir að sækja um starfið á heimasíðu Capacent Ráðninga, www.capacent.is. Umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Þóra Pétursdóttir (thora.petursdottir@capacent.is) og Elín Friðjónsdóttir (elín.fridjonsdottir@capacent.is) hjá Capacent Ráðningum.