Sláturtíð hafin - og fréttabréf
29.08.2019 - Lestrar 762
Fimmtudaginn 29. ágúst hófst sauðfjársláturtíð á Húsavík. Búið er að ráða rúmlega 100 starfsmenn af 12 þjóðernum til viðbótar við þann fjölþjóðlega hóp starfsfólks sem fyrir er á starfsstöðinni. Reiknað er með að rúmlega 100.000 dilkum verði slátrað á tímabilinu fram til loka október og hefur slátrun á Húsavík aldrei verið meiri. Ástæðan er aðallega sú að slátrun á Höfn í Hornafirði hefur verið lögð niður og færist að miklu leyti til Húsavíkur. Meðfylgjandi er mynd af Halldóri Sigurðssyni réttarstjóra til margra ára þegar hann tók á móti fyrstu kindum haustsins.
Fréttabréf vegna skipulags og heimtöku í sláturtíð má nálgast með því að smella hér.
