Bragðgæðingarnir velja Húsavíkurhangikjötið!
Fimm valinkunnir einstaklingar gáfu stjörnur að þessu sinni - matreiðslumeistarinn Siggi Hall, landsliðskokkurinn og eigandi Fiskmarkaðarins Hrefna Rós Jóhannesdóttir Sætran, Úlfar Finnbjörnsson, matreiðslumeistari á Gestgjafanum, Sólveig Baldursdóttir, ritstjóri Gestgjafans og Valgerður Sverrisdóttir, formaður Framsóknarflokksins og alþingismaður.
Átta tegundir af hangikjöti voru metnar að þessu sinni: Húsavíkurhangikjöt, hangikjöt frá Gallerýi kjöti, SS-hangikjöt, Íslandslamb, hangikjöt frá Kjarnafæði, Hagkaups-hangikjöt, KEA-hangikjötið frá Norðlenska og hangikjöt frá Fjallalambi.
Hver og einn bragðgæðingur gaf kjötinu stjörnur - á skalnum 0-5 - og sem fyrr segir fékk Húsavíkurhangikjötið að meðaltali flestar stjörnur - 3,3. KEA-hangikjötið fékk að meðaltali 2 stjörnur.
Norðlenska er stærsti framleiðandi hangikjöts á Íslandi. Þrjú stærstu vörumerki fyrirtækisins í hangikjöti eru KEA-hangikjöt, Húsavíkurhangikjöt og Fjallahangikjöt.