„Verður ekki íslenskara ... ”
14.01.2010 - Lestrar 653
Eggert Sigmundsson smakkar súrmatinn.
„Það er gríðarleg eftirspurn eftir íslensku kjöti um þessar mundir. Og það verður ekki íslenskara en þetta .... ” sagði Eggert Sigmundsson vinnslustjóri Norðlenska þegar hann leit við hjá Maríu Fríðu Bertudóttur og Jóni Knútssyni á dögunum þar sem þau voru að ganga frá súrmat fyrir Þorrann.
Tugir tonna súrmatar hafa legið í kerjum í húsnæði Norðlenska síðan í haust en undanfarna daga hefur mikið af því landsþekkta hnossgæti verið sent í verslanir. Eggert segir að lang mest - um 95% af þeim Þorramat sem Norðlenska vinnur í ár - verði farið frá fyrirtækinu áður en Bóndadagurinn rennur upp.
