Dilkar heldur léttari en í fyrra
17.10.2011 - Lestrar 511
Einar Karlsson sláturhússtjóri Norðlenska á Höfn segir sláturtíðina hafa gengið bærilega til þessa. Alls hefur 22.300 fjár verið slátrað fyrir austan til þessa í haust. Einar segir dilka heldur léttari en í fyrra.
„Það munar að meðaltali um 300 grömmum hvað lömbin eru léttari núna,” sagði Einar í dag. Hann segir að enn eigi eftir að slátra um 10.000 fjár á Höfn og því verki ljúki væntanlega á næstu tveimur vikum. „Við þykjumst góðir ef við náum 1100 lömbum á dag,” sagði Einar.
