Flottir í tauinu á Húsavík
23.12.2010 - Lestrar 789
Sú skemmtilega hefð hefur skapast hjá Norðlenska á Húsavík að allir karlmenn mæta til vinnu með hálsbindi síðustu vikuna fyrir jól. Að sjálfsögðu var ekkert gefið eftir í því efni að þessu sinni og á myndinni eru verkstjórarnir Arnar Guðmundsson og Róbert Ragnar Skarphéðinsson sem sýndu gott fordæmi.
Konurnar hjá Norðlenska á Húsavík láta ekki sitt eftir liggja og setja upp jólasveinahúfur í kaffi- og matartímum. Þær eru hins vegar teknar niður áður en haldið er til starfa á ný, því slíkur höfuðbúnaður þykir ekki hentugur í vinnsusal!