Fundum með félagsmönnum í Búsæld á Suður- og Austurlandi frestað vegna óveðurs og ófærðar
30.03.2009 - Lestrar 428
Fyrirhuguðum fundum forráðamanna Búsældar og Norðlenska með félagsmönnum í Búsæld, sem áttu að vera á Suður-
og Austurlandi í dag og á morgun, hefur verið frestað um óákveðinn tíma vegna óveðurs og ófærðar.
Veður er ennþá slæmt á bæði Suðurlandsundirlendinu og Austurlandi og sömuleiðis er víða ófært og því er, að sögn Sigmundar E. Ófeigssonar, framkvæmdastjóra Norðlenska, einboðið að fresta fyrirhuguðum fundum í dag og á morgun með félögum í Búsæld á Suður- og Austurlandi. Sigmundur segir að fundirnir verði haldnir síðar, en ekki er búið að ákveða hvenær það verður unnt. Það verður þó nær örugglega ekki fyrr en eftir páska.