Fréttir

Halldór Sigurðsson, réttarstjóri Norðlenska á Húsavík og bóndi á Syðri-Sandhóli á Tjörnesi, segir sláturtíðina hafa gengið ótrúlega vel. Hann segir fé vænt í ár og Ásvaldur Þormóðsson, bóndi á Stórutjörnum í Ljósavatnsskarði, er líka ánægður. Hann kom með fé til slátrunar á Húsavík í dag.

Halldór hrósaði bændum fyrir gott samstarf. Vegna áfallsins um daginn þegar fé fennti hefði þurft að breyta niðurröðun á slátrun dálítið, en það hefði ekki verið neitt vandamál.