Góð sala í sumar
Salan á grillkjötinu er sem fyrr beintengd veðurfarinu. Þegar veður er gott selst grillkjötið vel, en norðan rigning og kuldatíð og grill fer ekki vel saman. Framan af sumri var prýðileg sala á grillkjöti á suðurhluta landsins, enda veðrið þar gott. Ef að líkum lætur tekur salan síðan góðan kipp á norðurhluta landsins núna þegar veðurguðirnir hafa sýnt sitt rétta andlit.
Sala afurða út fyrir landssteinana hefur einnig gengið ágætlega á þessu ári. Til Færeyja selur Norðlenska margar vörutegundir undir Goða-vörumerkinu - t.d. saltkjöt, svið, læri, hryggi, framparta, súpukjöt o.fl. Til Bretlands selur Norðlenska slög og lambafitu, sem þarlendir nota til kebabvinnslu.