Fréttir

Tvíreykt Húsavíkur hangikjöt, nýkomið úr ofninum.

Hangikjötsilm leggur yfir syðsta hluta Húsavíkur í dag eins og undanfarið enda reykofnar Norðlenska nýttir alla daga til þess að anna mikilli spurn eftir hangikjöti fyrir jólin. „Það er greinilegt að fyrirtæki gefa kjöt í meira mæli en áður. Það virðist meira hugsað um það nú en verið hefur að gefa nytsamar jólagjafir - og þá er fátt betra en að gefa Húsavíkur- eða KEA-hangikjöt,“ segir Sigmundur Hreiðarsson, vinnslustjóri Norðlenska á Húsavík.

Sigmundur segir framleiðsluna ganga mjög vel og áætlar að Norðlenska selji álíka mikið af hangikjöti nú og fyrir jólin í fyrra.