Haustslátrun lokið á Húsavík
Haustslátrunin á Húsavík stóð í 43 daga, sem er ívið skemmri tími en í fyrra, sem kemur til af því að í ár var slátrað færra fé en í fyrrahaust og fleira fé var að jafnaði slátrað á hverjum degi nú en í sláturtíðinni í fyrra.
"Slátrunin gekk þegar á heildina er litið mjög vel. Veðrið var hagstætt og flutningar sláturfjár hingað gengu því
mjög vel. Starfsfólk stóð sig með miklum ágætum og ég vil koma á framfæri miklum og góðum þökkum til þess fyrir
vel unnin störf," segir Sigmundur. Bróðurpartur hinna erlendu starfsmanna í sláturtíðinni fer til Reykjavíkur á morgun og til síns heima
frá Keflavík á morgun og sunnudag.
Eins og venja er til á lokadegi sláturtíðar á Húsavík var starfsfólki að sjálfsögðu boðið í dag upp
á koníak og konfekt!
"Veðrið hefur verið að gera okkur lífið leitt í þessari viku og af þeim sökum slátruðum við færra fé í dag og
gær en við reiknuðum með. En engu að síður er ljóst að við munum ljúka slátutíðinni á miðvikudag, eins og við
lögðum upp með," segir Einar Karlsson, sláturhússtjóri á Höfn.
Einar segir að eftir daginn í dag sé búið að slátra 30.600 á Höfn og hann gerir ráð fyrir að fara yfir 32 þúsund, sem
er þá svipaður fjöldi og í fyrra.
Einar segir nokkuð ljóst að dilkum verði slátrað á Höfn í nóvember og trúlega einnig í desember. Um er m.a. að ræða
smærri lömb sem bændur hafa þessa dagana í eldi og einnig er vitað að fé hefur enn ekki skilað sér allt af fjalli.