Heimsóknir til Norðlenska vinsælar
01.02.2005 - Lestrar 69
Síðastliðinn föstudag komu 130 nemendur úr Háskólanum í Reykjavík og Tækniháskólanum í heimsókn til Norðlenska á Akureyri. Heimsóknin var liður í vísindaferð skólanna til Akureyrar.
Það færist í vöxt að fyrirtæki og stofnanir óski eftir að fá kynningu á starfsemi Norðlenska og er það Norðlenska ánægjuefni að geta gefið neytendum innsýn í starfsemi fyrirtækisins með þessum hætti. Hópurinn fór í skoðunarferð um fyrirtækið þar sem Marel úrbeiningarlínan var skoðuð ásamt því að nemendurnir fengu fræðslu um upplýsingakerfi fyrirtækisins.
Að lokum þáði hópurinn léttar veitingar og gaf sig á tal við starfsfólk Norðlenska sem veitti nemendunum allan þann fróðleik um Norðlenska sem þá þyrsti í.
