Hetjurnar fengu rúmar 300 þúsund krónur
21.08.2012 - Lestrar 501
Norðlenska afhenti í dag Hetjunum, félagi langveikra barna á Norðurlandi, styrk að upphæð 318.564 kr. Upphæðin er
afrakstur leiks sem Norðlenska var með á Landbúnaðarsýningunni á Hrafnagili sem haldin var 10.-13. ágúst, samhliða árlegri
handverkshátíð.
Í Hlöðunni, bás Norðlenska á Landbúnaðarsýningunni, var lukkhjól sem gestir gátu snúið gegn greiðslu sem rann óskipt til Hetjanna.
Að sögn Ingvars Gíslasonar, markaðsstjóra Norðlenska var gríðarlega vinsælt að snúa hjólinu enda voru vinningslíkur mjög miklar. Það er Norðlenska mikið ánægjuefni að geta stutt Hetjurnar með þessum hætti.