Jarðgerðarstöð í rekstur á næsta ári
Með tilkomu jarðgerðarstöðvar mun minnka um allt að helming urðun úrgangs á Glerárdal. Til að byrja með er gert ráð fyrir að jarðgera um 10 þúsund tonn af lífrænum úrgangi frá fyrirtækjum í Eyjafirði, en í það heila falla til um 21 þúsund tonn af lífrænum úrgangi á ári í Eyjafirði.
Hermann Jón Tómasson, formaður bæjarráðs Akureyrar og stjórnarformaður Moltu ehf., segist vænta þess að fljótlega verði unnt að ganga frá samningum um lóð fyrir jarðgerðarstöðina á Þveráreyrum. Við það hafi verið miðað og vonandi gangi það eftir að unnt verði að taka stöðina í notkun fyrir sláturtíðina haustið 2008.