Jólasalan undirbúin
Sigmundur segir að mjög góð sala hefur verið í kjötvörum Norðlenska í nóvember - töluvert meiri en í sama mánuði
í fyrra, sem gefi góð fyrirheit um desember. Sem dæmi um góða sölu í nóvember hefur verið að fara mun meira af t.d.
hangiáleggi en áður, sem gefur hugmynd um vinsældir hangikjötsins frá Norðlenska.
Eins og áður hefur komið fram hér á heimasíðunni er áberandi meiri spurn en áður eftir tvíreyktu hangikjöti og einnig segir
Sigmundur að aukinn áhugi sé á reyktu svokölluðu kindainnanlæri. Fyrir jólin er líka alltaf mikil sala í magál, sem á
mörgum heimilum þykir ómissandi með laufabrauðinu.
"Við verðum líka með nýjar tegundir af marineruðum lambalærum sem eru þessa dagana að koma á markaðinn."
Sigmundur segir að óhætt sé því að segja að í mörg horn hafi verið að líta hjá starfsfólki Norðlenska á Húsavík að undanförnu og að sjálfsögðu verði mikið að gera framundir jól til þess að anna eftirspurninni. "Þetta er mikil vinnutörn hjá okkar fólki. Úrbeiningamennirnir okkar hafa til dæmis unnið langan vinnudag alveg frá því í september, til þess hreinlega að hafa undan. Starfsmennirnir okkar standa sig frábærlega vel og leggja sig alla fram. Hér er góð liðsheild sem skilar góðu verki," segir Sigmundur Hreiðarsson.