Fréttir

Jóna Jónsdóttir hefur verið ráðin í stöðu starfsmannastjóra Norðlenska og mun hún hefja störf í maí nk. Jóna er með M.A. próf í mannauðsstjórnun frá viðskipta- og hagfræðideild Háskóla Íslands og B.S.-próf í viðskiptafræði frá Háskólanum á Akureyri.

Hún hefur starfað hjá Háskólanum á Akureyri frá 2001, nú síðast sem forstöðumaður markaðs- og kynningarsviðs.

Jóna tekur við starfi starfsmannastjóra af Katrínu Dóru Þorsteinsdóttur, sem hefur gegnt því undanfarin þrjú ár.