Kjötsala jókst um 6,7% á síðustu 12 mánuðum
Síðstu tólf mánuði jókst sala á kjöti um 6,7% en kjötframleiðsla var 5,8% meiri en á sama tímabili í fyrra. Talsvert meira var framleitt af dilkakjöti í nóvember nú en í nóvember í fyrra, gætir þar án efa lækkaðs útflutningshlutfalls sem og að verið er að flyja ferskt kjöt á erlenda markaði. Þetta kemur fram á heimasíðu Bændasamtaka Íslands www.bondi.is Þar segir jafnframt að kindakjöt haldi stöðu sinni að vera mest selda kjöttegundin (tæp 29%) en svínakjöt kemur næst (tæp 28%) og alifuglakjöt (tæp 27%). Samsetning kjötmarkaðarins hefur breyst mikið síðustu misseri en fyrir 5 árum var markaðshlutdeild kindakjöts 40% og alifuglakjöts 15% svo dæmi séu tekin.