Lambaréttur að hætti Pakistana algjört lostæti
Einn þeirra sem komið hafa ár eftir ár til vinnu hjá Norðlenska í sláturtíðinni, Pakistaninn Masud Sharif - gjarnan kallaður Tarzan - sá um að elda í mötuneyti fyrirtækisins á Húsavík í hádeginu dag. Bauð hann upp á rétt úr lambakjöti og þótti maturinn algjört lostæti.
Sharif byrjaði að elda klukkan hálf átta í morgun þannig að allt yrði klárt í hádeginu. Hann bar lambaréttinn fram í þremur styrkleikaflokkum; kallaði þá soft, medium og strong - sá fyrsti var sem sagt mildur, annar miðlungi sterkur á bragðið og sá þriðji sterkur. Ekki var sá síðasttaldi þó um of því allt kláraðist og stóðu menn á blístri. Voru afköst semt ekki síðri eftir hádegið í dag en venjulega.
Meðfylgjandi mynd var tekin í hádeginu í dag, sem og önnur sem hægt er að sjá á myndasíðunni
- þar eru Christopher Kane, Mowafaq El Masri, Masud Sharif (Tarzan) og Kristján Pálmi Óskarsson.
