Líf og fjör á Hrafnagili
Það var í nógu að snúast hjá Magnúsi Sigurólasyni og öðrum starfsmönnum Norðlenska í hlöðunni, eins og básinn er kallaður. Magnús gaf fólki að smakka ýmislegt góðgæti og margir keyptu sér kræsingar á kynningarverði.
Gestir hlöðunnar fá tækifæri til að snúa lukkuhjóli fyrir 200 krónur, ýmsir vinningar eru í boði en nöfn þeirra heppnustu fara í pott og dregið verður eftir helgina um grillveislu fyrir heila fjölsyldu. Peningarnir sem koma inn úr lukkuhjólsleiknum renna allir til Hetjanna - félags langveikra barna á Akureyri.
Svæðið á Hrafnagili er opið í dag og á morgun frá kl. 12 til 19 og á mánudag kl. 12 til 17.