Mikill áhugi á innflutningi á nautahakki
Í upphafi árs auglýsti Landbúnaðarráðuneytið tollkvóta vegna innflutnings á nautgripa og alifuglakjöti. Mikill áhugi virðist vera á þessum innflutningi þar sem 19 fyrirtæki sóttu um kvóta vegna innflutnings á nautahakki en 15 fyrirtæki um kvóta vegna innflutnings á kjúklingaafurðum.
Athygli vekur að samtals sóttu fyrirtækin 19 um kvóta sem nemur 613.000 kg, en aðeins 80.000 kg voru í boði. Sama gildir um kjúklingaafurðir, en fyrirtækin 15 sóttu alls um 406.000 kg, en aðeins 50.000 voru í boði. Í ljósi þessa mun fyrirtækjunum verða gefin kostur á að gera tilboð í tollkvótana.
Tollkvótunum verður síðan úthlutað hæstbjóðanda. Í upphafi næstu viku mun síðan verða ljóst hverjir munu fá tollkvótana.