Mörg fyrirtæki gefa starfsmönnum kjöt
14.12.2011 - Lestrar 1142
Mikið er um að fyrirtæki kaupi kjöt af ýmsu tagi beint af Norðlenska í því skyni
að gefa starfsmönnum sínum í jólagjöf. „ Þetta hefur verið vinsælt og er svipað í ár og verið hefur undanfarið
– er reyndar að aukast ef eitthvað er,” segir Ingvar Gíslason, markaðsstjóri Norðlenska.
Nóg hefur verið að gera við að ganga frá jólapökkum síðustu tvær
vikur. Fjöldi fyrirtækja færir starfsmönnum sínum að gjöf ýmis önnur matvæli með kjötinu; osta, súkkulaði, kex
og sultur, svo dæmi séu tekin, og sér Norðlenska um að pakka öllu þessu inn í fallegar gjafaöskjur.
Nokkur ungmenni hafa unnið við það upp á síðkastið að pakka inn gjöfunum, m.a.. knattspyrnukapparnir Fannar Hafsteinsson, unglingalandsliðsmarkvörður úr KA og Þórsarnir Gísli Páll Helgason og Ottó Hólm Reynisson. Fulltrúar kvenþjóðarinnar eru að sjálfsögðu líka á staðnum, Nanna Gunnarsdóttir og Birna Gunnarsdóttir.
Sjá má fleiri myndir hér.