Slegist um ferskt lambakjöt sem aldrei fyrr
17.09.2011 - Lestrar 675
Sigmundur t.v. og Reynir Eiríksson framleiðslustjóri Norðlenska.
„Það gekk ótrúlega vel þessa fyrstu viku. Á miðvikudaginn slátruðum við 2253 lömbum, meira en
nokkru sinni áður á einum degi, en það met var svo slegið í gær, föstudag, þegar slátrað var 2274,“ segir Sigmundur
Hreiðarsson stöðvarstjóri Norðlenska á Húsavík.
Þar með lauk fyrstu heilu viku sláturtíðar, en slátrað var á miðvikudegi, fimmtudegi og föstudegi í vikunni á undan. „Sala á fersku lambakjöti hefur verið meiriháttar, það má segja að slegist sé um kjötið sem aldrei fyrr og við erum auðvitað mjög ánægð með það,“ segir Sigmundur. „Við seljum mest í gegnum verslanir Kaupáss, Nóatún og Krónuna, en þjónustum að sjálfsögðu aðra líka, Samkaup og fleiri.“
