Fréttir

Verðlagning sauðfjárafurða þetta haustið er ákvörðuð í skugga erfiðra aðstæðna í þjóðfélaginu. Allur almenningur sem og atvinnurekstur býr við miklar aðfangahækkanir, minnkandi kaupmátt og erfitt rekstrarumhverfi.

Bændur hafa ekki farið varhluta af þessu, frekar en aðrir landmenn. Það er því vandasamt að verðleggja sauðfjárafurðir því allir bændur hafa þörf fyrir hækkun á sínum afurðum, en á sama tíma hafa yfir 30% launamanna orðið fyrir tekjuskerðingu auk þess sem kaupmáttur launa hefur minnkað verulega. Kaupgeta íslenskra heimila hefur því minnkað verulega og þarf því að huga sérstaklega að því að verðleggja ekki vörur út af markaði. Minnkandi kaupgeta hefur valdið því að verulegur samdráttur hefur orðið í sölu kjöts innanlands, sérstaklega hefur þetta verið alvarlegt nú síðustu fjóra mánuði. Þessi sölusamdráttur hefur bitnað hvað harðast á lambakjöti.

Þrátt fyrir minni innanlandssölu dilkakjöts hefur orðið aukning í útflutningi. Þar hefur lág skráning krónu gagnvart öðrum gjaldmiðlum vegið þyngst. Útflutningur dilkakjöts er vænlegri en áður, en þó ber þess að geta að miðað við sölusamdrátt innanlands stefnir í a.m.k. 2500 tonna útflutningsþörf,  sem er um 1000 tonnum meiri útflutningur en fyrri ár. Auk þess verður að hafa í huga að það eru ekki bara vandamál í efnahagslífinu á Íslandi. Aðrar þjóðir berjast líka við kreppu. Það er því ekki alveg gefið að auðvelt sé að flytja þetta magn út á ásættanlegum verðum.

En það eru ekki bara efnahagsmálin sem hafa áhrif á verðlagningu sauðfjárafurða. Nýr búvörusamningur er breyttur, ekki er lengur um útflutningsskyldu a
ð ræða og þá hafa geymslugjöld, sem gengið hafa til sláturleyfishafa, lækkað. Lækkun geymslugjalda vegur um 2,5% í afurðaverði.

Af framangreindu er ljóst að óvarlegt er að hækka verð á innanlandsmarkaði, en sú hækkun sem ganga mun til bænda er hækkun á það sem áður var útflutningsverð. Fyrir bændur er þetta 9,4% hækkun á heildarverði dilkakjöts frá fyrra ári.

Norðlenska stefnir að útflutningi á rúmlega 30% sauðfjárframleiðslunnar, en það er mat okkar að útflutningsþörfin geti orðið meiri en það á næsta ári.

Verðskrár Norðlenska fyrir sauðfjárafurðir haustið 2009 er því eftirfarandi:

Annars vegar er um að ræða verðskrá fyrir innleggjendur sem eru með viðskiptasamninga við Norðlenska og hins vegar innleggjendur sem ekki eru með viðskiptasamninga við fyrirtækið.

Efri taflan hér að neðan (einnig í pdf-skjali) sýnir verðskrá fyrir innleggjendur sem eru með viðskiptasamninga við Norðlenska. Þar sem útflutningsskylda er ekki lengur við lýði, þá er greitt sama verð fyrir allt sauðfé. Neðri taflan hér að neðan (ennig í pdf-skjali) sýnir verðskrá fyrir innleggjendur sem ekki eru með viðskiptasamninga við Norðlenska.

Ný verðskrá er afturvirk fyrir sauðfjárslátrun Norðlenska í ágúst sl. 
Verðskráin miðast við að sama fyrirkomulag verði á geymslugjöldum og áður.

Greiðsluskilmálar:
Norðlenska mun greiða að fullu fyrir innlegg á föstudegi eftir innleggsviku.

 Verðskrá sauðfjárafurða haustið 2009 (pdf)

 

Verðlisti til þeirra sem eru með viðskiptasamning við Norðlenska

                                         F I T U F L O K K A R

Holdfylling          1               2             3            3+           4            5
DE                     477            477         470          418           317        292
DU                     474           478          456          417          316        287
DR                     438           453          433          358          287        278
DO                     386           436          376          344          279        275
DP                     342           342          314          314          256        248
VP                     248
VR                                                    330                          280
VHR                                                   75                            55
VHP                     60
FP                       49
FR                                                    110                            54   

Birt með fyrirvara um prentvillur

 

Verðlisti til þeirra sem ekki eru með viðskiptasamning við Norðlenska

                                         F I T U F L O K K A R

Holdfylling          1               2             3            3+           4            5
DE                       458          458          451         401          304         280
DU                      455          459          438         400           303         276
DR                      420          435          416         344           276         267
DO                      371          419          361         330           268         264
DP                      328          328          301          301          246         238
VP                      238
VR                                                     317                         269
VHR                                                    72                           53
VHP                     58
FP                       47
FR                                                     106                           52   

Birt með fyrirvara um prentvillur