Vörur Norðlenska skipa stóran sess
23.12.2009 - Lestrar 553
„Við erum mjög ánægðir með það hve vel landsmenn hafa tekið vörunum frá Norðlenska fyrir jólin. Þrátt fyrir mikla samkeppni á þessum markaði er hlutdeild okkar rótgrónu vöru að aukast - KEA hangikjötið, Húsavíkurhangikjötið og KEA hamborgarhryggurinn skipa greinilega stóran sess í huga landsmanna,” segir Ingvar Gíslason, markaðsstjóri Norðlenska.
„Salan var mjög mikil í verslunum um helgina og í gær, og nú erum við á síðustu metrunum. Þessari miklu törn lýkur í dag enda eins gott því nánast allt okkar jólakjöt er að verða búið!” sagði Ingvar í morgun.