Nóg að gera á Höfn
23.11.2007 - Lestrar 347
"Já, það er nóg að gera hérna hjá okkur þó að sláturtíðin sé liðin. Reyndar slátruðum við um 500
dilkum í síðustu viku - 14. og 15. nóvember," segir Einar Karlsson, sláturhússtjóri Norðlenska á Höfn.
"Þetta voru einfaldlega dilkar sem menn áttu eftir að koma með til slátrunar og við vissum af. Ef þörf verður á, munum við slátra aftur í desember," segir Einar.
Eftir haustslátrun sauðfjár á Höfn tók við nautgripa- og hrossaslátrun (folöld) og þá er mikil vinna framundan hjá sjö starfsmönnum Norðlenska á Höfn við svokallaða sjöpartasögun á dilkaskrokkum, að saga og verka svið og ýmislegt annað tilfallandi. "Það eru næg verkefni framundan" segir Einar Karlsson.