Norðlenska með í Meistaramánuðinum
Norðlenska tekur þátt í Meistaramánuðinum með leik á Facebook síðu fyrirtækisins. Nafn eins heppins þátttakanda er dregið út á hverjum fimmtudegi og viðkomandi fær dýrindis sunnudagssteik að launum. Fyrr í dag var einmitt dregið og upp úr pottinum kom nafn Kristrúnar Kristjánsdóttur.
„Okkur finnst þetta vera skemmtilegt verkefni og sáum okkur leik á borði að hvetja fólk til þess að setja
sér markmið og lifa heilsusamlegu lífi. Við viljum leggja okkar að mörkum enda framleiðum við margar vörur á degi hverjum sem eru hollar og
góðar. Íslenska lambakjötið er til dæmis frábær afurð eins og allir vita og þekkt á heimsvísu fyrir mikil gæði,“
segir Ingvar Már Gíslason, markaðsstjóri Norðlenska.