Ný grillkjötslína frá Goða
Núna fyrir helgina og í næstu viku koma á markaðinn nýjar tegundir af grillkjöti frá Norðlenska, undir vörumerki Goða og segir Sigurgeir Höskuldsson vöruþróunarstjóri að langt sé síðan fyrirtækið hefur komið með jafn margar nýjungar í grillkjöti á markaðinn.
Fyrst og fremst felast þessar nýjungar í því að dregið hefur verulega úr þurrkrydduðu kjöti, en þess í stað er kjötið marinerað eða kryddað með fersku kryddi - rósmarin, steinselju og timian. Eftir sem áður verður hluti af grillkjötinu þurrkryddað, en það verður þó ekki nema lítill hluti framleiðslunnar. Áherslan verður sem sagt á ferska kryddið og marineringu.
Í það heila verða um tuttugu tegundir af Goða-grillkjöti á markaðnum í sumar, að sögn Sigurgeirs.
Sem fyrr segir eru þessar nýjungar að "detta" inn á markaðinn þessa dagana og verða þær á boðstólum í verslunum um allt land í lok þessarar viku og í næstu viku.