Nýr starfsmannastjóri hjá Norðlenska
Katrín Dóra Þorsteinsdóttir hefur verið ráðin starfsmannastjóri Norðlenska og mun taka við því starfi í maí n.k. og verður með aðsetur á aðalskrifstofu Norðlenska á Akureyri.
Katrín Dóra er fædd árið 1965 á Akureyri. Hún lauk prófi í iðnrekstrarfræði frá Háskólanum á Akureyri árið 1993 og síðan viðskipta- og rekstrarfræði árið 2002 frá Háskólanum á Akureyri. Katrín Dóra hefur veitt Símenntunarstöð Eyjafjarðar forstöðu frá árinu 2000.
Ingibjörg Steinbergsdóttir starfsmannastjóri Norðlenska hefur óskað eftir að láta af störfum sem starfsmannastjóri fyrirtækisins af persónulegum ástæðum. Hún hefur óskað eftir að starfa áfram hjá fyrirtækinu og mun verða í hlutastarfi á skrifstofu Norðlenska á Húsavík eftir að nýr starfsmannastjóri tekur til starfa.