Nóg að gera við að saga fyrir bændur - MYNDBANDSVIÐTAL
23.10.2012 - Lestrar 551
Jóhann Gestsson og Grétar Sigurðarson.
Bændur fá jafnan töluvert af kjöti sagað niður hjá Norðlenska á Húsavík. Grétar Sigurðarson og Jóhann Gestsson hafa þann starfa í sláturtíðinni að sjá um heimtökukjötið og höfðu sagað vel á þriðja þúsund skrokka þegar útsendari heimasíðunnar kíkti til þeirra fyrir helgina.
Grétar var með tölfræðina á hreinu - sagði að eftir daginn yrðu þeir félagar búnir með 2641 skrokka, hugsanlega einum betur! Þetta væri svipað og í fyrra en væri smám saman að aukast, ár frá ári.
