Rætt við Sigmund á Stöð 2
„Þeir eru allt frá unglingum í ævintýraleit upp í þaulvana slátrara á sextugsaldri og setur litríkur hópurinn svip sinn á bæinn,“ sagði í frétt á Stöð 2 í kvöld þar sem fjallað var um sláturtíðina hjá Norðlenska á Húsavík. Fram kom að farandverkamenn streymdu hvaðanæva að til bæjarins. Rætt var Sigmund Hreiðarsson vinnslustjóra.
„Alls fjölgar starfsmönnum hjá Norðlenska á Húsavík um 80-90 í sauðfjársláturtíðinni, sem stendur yfir í tvo mánuði á ári og er nú í fullum gangi. Í ár eru í hópnum allt frá sautján ára unglingum í ævintýraleit og upp í lærða slátrara á sextugsaldri og kemur fólkið meðal annars frá Svíþjóð, Póllandi, Lettlandi og Bretlandi,“ sagði í fréttinni á Stöð 2.
Hér má sjá fréttina á vefnum visir.is:
http://www.visir.is/slaturtidin-hafin--farandverkamenn-streyma-til-husavikur/article/2010514502364