Síðustu lærin úr reykofninum
21.12.2009 - Lestrar 621
„Þetta eru síðustu lærin sem koma úr ofninum fyrir þessi jól - og þau eru mjög eftirsótt,” sagði Sigmundur Hreiðarsson, vinnslustjóri Norðlenska á Húsavík, í morgun þegar hann stillti sér upp með sínu fólki og mynd var tekin af hópnum eftir að síðustu hangikjötslærin voru tekin úr reykofninum.
Eins og sjá má skarta menn glæsilegum hálsbindum en það er orðið að hefð hjá okkar fólki á Húsavík síðustu dagana áður en jólahátíðin gengur í garð.
„Þessi jólavertíð hefur verið mjög góð og ljóst að þrátt fyrir stöðuna í þjóðfélaginu tekur fólk enga áhættu þegar kemur að jólahangikjötinu - fólk treystir klárlega okkar hangikjöti á jólaborðið,“ sagði Sigmundur.
