Styttist í sláturtíðina
Nú styttist óðum í sláturtíð og því vill Norðlenska biðja innleggjendur að senda sláturfjárloforð til Norðlenska sem fyrst. Hér á heimasíðunni er að finna eyðublað fyrir sláturfjárloforð undir "Bændur" og er unnt að senda það rafrænt. Þeir sem óska eftir að fá sent sláturfjáreyðublaðið á pappír eru vinsamlegast beðnir að hafa samband við Norðlenska.
Á Húsavík er áætlað að slátra um 500 lömbum 14. ágúst nk. Hin eiginlega haustsláturtíð hefst síðan á Húsavík þriðjudaginn 26. ágúst.
Á Höfn er áætlað að slátra einn dag í viku frá verslunarmannahelgi. Hin eiginlega sláturtíð á Höfn hefst um miðjan september.
Í næstu viku fá innleggjendur sent eyðublað fyrir sláturloforð, sem þeir geta síðan sent rafrænt eða á faxi til Húsavíkur eða á Höfn. Það skal einnig ítrekað að eyðublaðið er að finna hér á heimasíðunni undir "Bændur" og þar er hægt að senda það rafrænt til Norðlenska.
Fréttabréf með nánari upplýsingum um sláturtíðina verður sent til bænda fyrstu dagana í ágúst.