Þrír fara í fagkeppni kjötiðnaðarmanna
Þrír fulltrúar frá Norðlenska taka þátt í fagkeppni kjötiðnaðarmanna á Íslandsmóti iðn- og verkgreina í Vetrargarðinum í Smáralind á morgun og föstudaginn. Okkar menn eru Rúnar Ingi Guðjónsson, Elmar Sveinsson og Rúnar Traustason. Að auki tekur Grétar Þór Björnsson þátt í nemakeppni mótsins.
Fulltrúar Norðlenska verða með ýmsar vörur frá fyrirtækinu í keppninni, um 20 tegundir af alls kyns góðgæti. „Það má segja að þetta sé öll flóran,“ segir Eggert Sigmundsson, vinnslustjóri Norðlenska.
Það er Meistarafélag kjötiðnaðarmanna sem heldur keppnina, sem nú fer fram í níunda sinn. Nokkur ár eru síðan hún var haldin síðast.