Úrslit: Hjólað í vinnuna 6.-26. maí 2009
Alls tóku 39 starfsmenn Norðlenska þátt í átakinu „Hjólað í vinnuna" dagana 6.-26. maí sl. Mynduð voru fjögur lið - tvö á Akureyri og tvö á Húsavík. Hjólaðir/gengnir voru rúmlega 1.550 km, þarf af voru Akureyringar með um 900 km og Húsvíkingar um 650 km. Aftur á móti var fjöldi þátttökudaga fleiri hjá Húsvíkingum eða 261 en 212 hjá Akureyringum. Norðlenska var í 5. sæti í flokknum fyrirtæki með 150-399 starfsmenn. Alls voru 33 fyrirtæki í þessum keppnisflokki.
Akureyri: Vinnsluliðið var mun duglegra að hjóla heldur en skrifstofuliðið. Þau fóru um 570 km á 127 dögum en skrifstofufólkið fór um 330 km á 85 dögum. Þau í vinnslunni á Akureyri trónuðu á toppnum hjá fyrirtækinu í heild þegar horft er til fjölda kílómetra. Þar munaði mest um Hörð Erlendsson sem fékk sérstaka viðurkenningu á Akureyri fyrir að hjóla alla 14 dagana og leggja flesta kílómetra að baki samtals 98 km. Fast á hæla hans fylgdu liðsfélagarnir Elvar Óskars, Stefán Einar og Eggert.Húsavík: Liðin á Húsavík unnu keppnina innan fyrirtækisins þegar horft er til fjölda þátttökudaga. Arnar Guðmundsson fékk sérstaka viðurkenningu á Húsavík fyrir að hjóla alla dagana 14 og leggja flesta kílómetra að baki, samtals 61. Fast á hæla hans komu Rakel, Kjartan Trausta, Eyþór, Boban, Sigurbjörn, Viðar, Þórður (Doddi Kobbi), Martijn og Hilmar Jakobs sem öll hjóluðu eða gengu alla dagana.