Val á sláturtíma
Meiri birgðir dilkakjöts eru nú í birgðageymslum Norðlenska en á síðasta ári og ekki verður flutt kjöt til USA af ágústslátrun eins og reynt hefur verið undanfarin ár. Þörf fyrir sumarslátrun er því ekki eins brýn og á sl. hausti. Nokkur eftirspurn er þó eftir fersku dilkakjöti innanlands og vinnslulínan á Húsavík nú laus til að vinna ferskt kjöt fyrir þann markað. Því þarf Norðlenska verulegt magn dilka til sölu á fersku kjöti fyrir hefbundna sláturtíð.
Aðstaða bænda til slíkrar slátrunar er misjöfn en margir bændur hafa þó möguleika á að slátra hluta lambanna í ágúst. Hagkvæmni þess ræðst m.a. af þunga og ástandi dilkanna, greiðslum fyrir þá eftir tímabilum, magni og gæðum haustbeitar og fyrirhöfn og kostnaði við slátrun.
Reynt hefur verið að meta hvað fæst fyrir fall tveggja dilka á mismunandi tímum miðað við gefnar forsendur um flokkun lambanna sbr. meðfylgjandi töflu.
Áhrif sláturtíma lamba á skilaverð til bónda
Slátur
Fallþ. Fl. Grunnv. Álag Álag Skerðing Álag v. Greitt til
dagur slh.
Mráðs v. útflut. gæðast. bónda
15. ág. 13 R2 4927 520 1100
-156 1300 7691
15. ág. 13 O1 4212 520 1100
-156 1300 6976
30. ág. 14 R2 5036 350 500
-168 1400 7118
30. ág. 14 O2 5124 350 500
-168 1400 7206
14. sept. 15
U3 5730
-300 1500 6930
14. sept. 15 R2
5685 -300
1500 6885
15. okt. 18 U3+
6246 -360
1800 7686
15. okt. 18 R3
6408 -360
1800 7848
Þungabreytingar lambanna eru vandmetnar enda mjög háðar veðurfari og gæðum beitar. Flokkun lambanna ræður einnig miklu um hvaða verð fæst fyrir þau. Meginniðurstaðan virðist að ekki er hagkvæmt að slátra lömbunum fyrr en þau eru nægilega þroskuð til að ná upp fyrir O-flokk og vegna álagsgreiðslna getur verið hagkvæmara að slátra lambi með 13 kg fallþunga í ágúst en þyngja lambið um 5 kg og slátra því í október.
Við val á sláturtíma skiptir ef til vill mestu máli að meta möguleika lambanna á vexti fram eftir hausti, því stöðvist vöxtur vegna lélegrar beitar rýrna fallþungi og kjötgæði fljótt.