Verðhækkun á nautgripainnleggi
Norðlenska hefur gengið frá nýjum verðlista nautgripakjöts sem tekur gildi í dag. Samhliða verðhækkunum mun Norðlenska taka upp staðgreiðslu á nautgripum sem hagað verður þannig að greitt verður fyrir innlegg annan mánudag eftir sláturviku.
Norðlenska hefur undanfarnar vikur aukið sölu sína og vinnslu á nautgripum. Allir þeir gripir sem koma til slátrunar hjá Norðlenska á Akureyri eru unnir þar.
Norðlenska biður bændur um að láta félagið sitja fyrir gripum, þannig að sú vinnsla og markaðsstaða sem byggð hefur verið upp undanfarin ár haldist. Hagsmunum bænda á svæðinu er best borgið með því að slátra á norðurlandi og stuðla þar með að aukinni vinnslu. Þannig verður markaðsstaða Norðlenska og innleggjenda best varin.