Fréttir

Norðlenska hefur tekið ákvörðun um verðlagningu sauðfjárafurða haustið 2011. Verðskráin tekur tillit til sjónarmiða bæði almennings og bænda.

Norðlenska verður með samkeppnishæft verð til bænda og mun endurskoða verðskrána ef tilefni verður til.

Einungis er um eina verðskrá að ræða hjá Norðlenska. Sama verð er til þeirra sem eru með viðskiptasamninga og annarra sem vilja slátra og kynnast fyrirtækinu.

Verðskráin er í meðfylgjandi mynd og hægt að niðurhala hér. Birt með fyrirvara um prentvillur.

Um sláturfyrirkomulag og greiðslukjör

Forslátrun hefst á Húsavík í viku 33 (15. til 19. ágúst), þó með fyrirvara um að sláturloforð berist. Ekki verður slátrað með fullum afköstum á Húsavík fyrr en í fyrstu heilu viku september.  

Forslátrun hefst einnig á Höfn í viku 33 (15. til 19. ágúst), þó með fyrirvara um að sláturloforð berist. Haustslátrun hefst síðan með fullum afköstum á Höfn þann 20. september.

Boðið er upp á forslátrun jafn snemma og raun ber vitni vegna mikillar eftirspurnar og sölu á  lambakjöti. Landssamtök sauðfjárbænda hvetja bændur til þess að mæta eftirspurn með þessum hætti, sbr. frétt hér á heimasíðunni í gær.

Álagsgreiðslur Norðlenska á grunnverð verða 15% í viku 33 (15. til 19. ágúst) auk þess sem Markaðsráð kindakjöts mun þá greiða 2.000 kr. fyrir hvert lamb beint til bænda, á alla gæðaflokka lambakjöts.

Í viku 34 (22. til 26. ágúst) verða álagsgreiðslur Norðlenska 14% og beingreiðsla Markaðsráðsins 1.500 krónur til bænda.

Frá og með viku 35 (29. ágúst til 2. september) er í gildi verðskrá Norðlenska sem birt er hér á heimasíðunni. Þá er álag Norðlenska 12%. Þá viku verður beingreiðsla Markaðsráðs kindakjöts 500 kr. fyrir hvert lamb, en fellur niður eftir það.

Bændur eru hvattir til að hafa samband við Norðlenska vegna þessa.

Þeim sem áhuga hafa á forslátrun er bent á að hafa samband við Sigmund á Húsavík (sími 840 8888) og Einar á Höfn (sími 840 8870).

Greiðslufyrirkomulag verður eins og á fyrra ári. Greitt verðu fyrir 80% innleggs næsta föstudag eftir sláturviku og 20% lokauppgjör  fyrir innlegg í september þann 11. nóvember, og 20% lokauppgjör fyrir innlegg í október þann 12. desember.