Nýjustu fréttir

 „Þetta hefur farið prýðilega af stað. Í það heila er 41 þátttakandi í átakinu í okkar fyrirtæki, þar af 25 starfsmenn á Húsavík og 16 á Akureyri. Á Húsavík eru 45 starfsmenn þannig að þar er þátttakan sérstaklega góð," segir Jóna Jónsdóttir, starfsmannastjóri Norðlenska, um þátttöku starfsmanna fyrirtækisins í heilsuátakinu „Hjólað í vinnuna".

Búið er að ganga frá ráðningu í þau almennu sumarafleysingarstörf sem í boði voru hjá Norðlenska þetta árið. Um 100 umsóknir bárust að þessu sinni en ráðnir voru 25 starfsmenn í kjötvinnsluna á Akureyri, 8 í kjötvinnsluna á Húsavík og 4 í sölu- og skrifstofustörf. Norðlenska þakkar þeim fjölmörgu sem sendu inn umsókn fyrir áhuga þeirra á störfum hjá fyrirtækinu.

Nýlega var auglýst eftir umsóknum um störf kjötskurðarmanns, lyftaramanns, matráðs og slátrara. Umsóknarfrestur rann út 1. maí sl. og verið er að vinna úr þeim umsóknum sem bárust.

Norðlenska sendir starfsfólki sínu, bændum, viðskiptavinum og landsmönnum öllum bestu óskir um gleði- og gæfuríkt sumar. Takk fyrir veturinn!