Allt á fullu fyrir grilltímabilið
„Hér er allt á fullu við að koma grillkjötsframleiðslu í full afköst enda frábær veðurspá fyrir þessa fyrstu stóru ferðahelgi sumarsins,“ segir Ingvar Gíslason markaðsstjóri Norðlenska.
„Áherslur okkar verða þær sömu í grillkjötinu og síðastliðin sumur. Að framleiða gæða vörur sem neytendur geta verið vissir um að standist væntingar þeirra. Í Salt og pipar-lærissneiðarnar okkar eru t.d. aðeins notaðar 1. flokks miðlærissneiðar og engum aukaefnum er sprautað í grillsneiðar okkar, hvort sem um er að ræða grísakjöt eða lambakjöt,“ segir Ingvar.
Hann er bjartsýnn á sumarið: „Við erum að reikna með að landsmenn verði sólgnir í hamborgara og pylsur þetta sumarið og það má reikna með nýjungum frá okkur á næstu vikum,“ segir Ingvar Gíslason.