Nýjustu fréttir

Norðlenska hefur lengi átt farsæl viðskipti við Færeyinga og eftir að fárviðri gekk yfir eyjarnar í haust kviknaði sú hugmynd að rétta frændum okkar hjálparhönd með einhverjum hætti. Úr varð að Norðlenska ákvað að færa björgunarfélagi í Færeyjum andvirði um 200.000 króna að gjöf og afhenti Ingvar Már Gíslason, markaðsstjóri Norðlenska, gjöfina í gær.

Hefð er orðin fyrir því að börn komi í Norðlenska á Húsavík á öskudaginn, syngi fyrir starfsfólk og fái pylsu og Svala að launum. Þetta árið komu um 220 börn í heimsókn í fjölbreyttum búningum og tóku lagið, viðstöddum til mikillar ánægju.

Fjöld skrautlegra gesta hefur staldrað við hjá Norðlenska í morgun, tekið lagið fyrir starfsmenn og þegið góðgæti að launum, gómsætar Goða pylsur með tilheyrandi meðlæti, og drykk. Búningar voru skrautlegir og skemmtilegir sem fyrr.