Flýtilyklar
Nýjustu fréttir
Nýtt lambakjöt í verslanir
Nýtt lambakjöt frá Norðlenska kemur í verslanir á morgun, þriðjudag. Slátrun hófst í lok síðustu viku, kjöt af því fé var unnið í dag og vinnslu lýkur á morgun. Áfram verður slátrað næstu daga og framboð á nýju lambakjöti verður orðið stöðugt um miðja næstu viku.
Breytt verðskrá fyrir innlagðar sauðfjárafurðir
Verðskrá Norðlenska fyrir innlagðar sauðfjárafurðir í haust, sem birt var á dögunum, hefur verið breytt nokkuð og er fyllilega samkeppnishæf við það sem aðrir sláturleyfishafar bjóða, eins og boðað var. Nýja útgáfu verðskrár Norðlenska má sjá með því að smella hér.
Fráleitt að Norðlenska „geymi” kjöt
Ingvar Már Gíslason markaðsstjóri Norðlenska mótmælir harðlega málflutningi um stöðu á lambakjötsmarkaði að undanförnu. Meðal annars hafa forsvarsmenn stórra kjötvinnsla gagnrýnt hve lítið væri til af lambakjöti í landinu og nefnt m.a. Norðlenska í því sambandi og haldið því fram að fyrirtækið „geymi” jafnvel kjöt sem Ingvar segir fráleitt. Ingvar segir að í þessari umræðu virðist menn leika þann leik að sleppa mikilvægum atriðum sem ekki henti málflutningnum.