Nýjustu fréttir

KEA hamborgarhryggurinn frá Norðlenska var valinn sá besti í árlegri bragðkönnun DV, sem blaðið greinir frá í dag. Meðaleinkunn sem KEA hryggurinn fékk hjá matgæðingum blaðsins var 8,2. Meðal umsagna sem KEA hamborgarhryggurinn fékk, voru: „Gott bragð, risastórar sneiðar og safaríkar“ -  „Útlit gott, bragð virkilega gott“ - „Sá besti enn sem komið er.“ 

Þótt jólin nálgist óðfluga eru starfsmenn Norðlenska ekki einungis með hugann við hinn hefðbundna hátíðamat. Þeir hafa búið sig undir Þorrann frá því snemma í haust og fyrstu föturnar með súrmat eru þegar farnar í verslanir – enda margir sem gæða sér á honum oftar en á Þorranum, til dæmis um áramótin.

Norðlenska mun slátra sauðfé í desember sem hér segir:

• Akureyri 9. desember.

• Höfn 15. desember.

Þeir sem vilja koma með fé til slátrunar þessa daga eru vinsamlega beðnir að hafa samband við Norðlenska.