Nýjustu fréttir

Hvað áttu nærri 600 fótboltastrákar úr Breiðabliki, Leikni, Þór, KA, Fylki, Fjölni, Völsungi, Þrótti, Val, Fjarðabyggð, KS, Hetti, Tindastóli, Magna, Hugin, Mývetningi og BÍ 88 sameiginlegt um helgina? Eitt og annað örugglega en stutt svar gæti verið svona: Þeir borðuðu allir Goðapylsu! Og kepptu allir á Goðamóti Þórs fyrir 5. flokk í Boganum á Akureyri.

Móttaka á umsóknum um sumarstörf hjá Norðlenska sumarið 2010 er hafin. Ráðið verður starfsfólk til afleysinga í öllum deildum kjötvinnslunnar sem og í sláturhúsi. Umsóknarfrestur er til sunnudagsins 21. mars nk. Sérstaklega er óskað eftir umsækjendum sem hafa áhuga á að komast á námssamning í kjötskurði eða kjötiðn.

Líflegt hefur verið á Norðlenska í morgun eins og venjan er að morgni öskudags. Fjöldi skemmtilegra öskudagsliða hefur komið í heimsókn, sungið fyrir starfsfólkið og þegið Goðapylsu í brauði með tilheyrandi meðlæti að launum.