Nýjustu fréttir

Nú, er hátíð fer í hönd, vil ég óska starfsmönnum, framleiðendum og viðskiptavinum Norðlenska gleðilegra jóla. Annríki hefur verið hjá starfsfólki fyrirtækisins síðustu daga og mikið álag á öllu framleiðsluferlinu. Segja má að bæði framleiðsla og sala hafi gengið vonum framar í desember og ánægjulegt er að sjá hve margir treysta okkur fyrir jólamatnum.

Skrifstofur Norðlenska eru lokaðar á aðfangadag. Starfsfólk fyrirtækisins óskar landsmönnum öllum gleðilegrar jólahátíðar.

„Við erum mjög ánægðir með það hve vel landsmenn hafa tekið vörunum frá Norðlenska fyrir jólin. Þrátt fyrir mikla samkeppni á þessum markaði er hlutdeild okkar rótgrónu vöru að aukast - KEA hangikjötið, Húsavíkurhangikjötið og KEA hamborgarhryggurinn skipa greinilega stóran sess í huga landsmanna,” segir Ingvar Gíslason, markaðsstjóri Norðlenska.