Nýjustu fréttir

Bóndadagurinn nálgast og starfsmenn Norðlenska eru því í óða önn að gera súrmatinn kláran. Margir byrja reyndar að borða þetta lostæti áður en Þorrinn gengur formlega í garð og því hefur töluvert þegar verið sent í verslanir. Eggert Sigmundsson vinnslustjóri segir fyrirtækið selja tugi tonna af súrmat að þessu sinni eins og undanfarin ár.

Ingvar Stefánsson vélvirki hefur verið ráðinn verkstjóri í viðhaldsdeild Norðlenska á Akureyri. Gert er ráð fyrir að hann hefji störf 1. apríl í vor.

Sigmundur Ófeigsson, framkvæmdastjóri Norðlenska, segir bændur leggja sitt af mörkum til endurreisnar Íslands. Verð á landbúnaðarafurðum, sérstaklega kjöti, hafi lítið hækkað en takmörk séu fyrir því hve langt sé hægt að ganga. Hann segir brýnt að stjórnvöld móti framtíðarsýn – en alls ekki með inngöngu í Evrópusambandið.