Nýjustu fréttir

Þorrinn nálgast með tilheyrandi þjóðlegum mat. Bóndadagur, sem markar upphaf þorra, verður föstudaginn 23. janúar nk. Margir taka reyndar forskot á sæluna og geta ekki beðið eftir að ná sér í bita af súrum hrútspungum og lundaböggum. Eggert H. Sigmundsson, vinnslustjóri Norðlenska, segir að reikna megi með að þessi vika og sú næsta verði stærstu vikurnar í dreifingu á þorramat til verslana. 

„Rekstur Norðlenska fyrir fjármagnsliði hefur gengið vel á árinu og verið í takti við áætlanir. Þessum árangri má helst þakka því að fyrirtækið hefur á að skipa afburða starfsfólki sem hefur unnið óeigingjarnt starf við uppbyggingu Norðlenska. Þá hefur samstarf við framleiðendur og viðskiptavini verið með miklum ágætum og fyrir það vil ég þakka sérstaklega," segir Sigmundur E. Ófeigsson, framkvæmdastjóri Norðlenska.

Norðlenska sendir starfsfólki sínu, bændum og landsmönnum öllum hugheilar óskir um gleðiríka jólahátíð.
Framleiðsluvörur Norðlenska hafa selst ákaflega vel fyrir þessi jól, sem endranær. Við þökkum landsmönnum traustið af heilum hug!