Nýjustu fréttir

"Við erum í miðri jólatörninni og þetta gengur bara ljómandi vel. Það sem af er hefur salan verið mjög góð og við gerum ráð fyrir að svo verði til jóla," segir Sigmundur Hreiðarsson, vinnslustjóri Norðlenska á Húsavík.

„Mín tilfinning er sú að fyrir þessi jól verði mikil eftirspurn eftir íslenskum vörum. Það má búast við að þetta verði aðhaldssöm jól, en þó líklega síst í matvælum. Ég veðja á að fólk muni leggja áherslu á neyslu innlendra kjötvara um jólin - íslenska lambið, svín og nautasteikur. Ég held að þetta verði íslensk jól," segir Sigmundur E. Ófeigsson, framkvæmdastjóri Norðlenska, í viðtali í blaði um Akureyri sem fylgir Morgunblaðinu í dag.

Haustslátrun Norðlenska lauk á Húsavík 24. október og Höfn 31. október sl. Í það heila var slátrað ríflega 108 þúsund fjár, þar af rösklega 77 þúsund á Húsavík og um 31 þúsund á Höfn.