Nýjustu fréttir

Starfsfólk Norðlenska á Húsavík ásamt fjölskyldum kom saman í blíðskapar veðri föstudaginn 15 júlí s.l og grillaði, alls mættu u.þ.b. 130 manns. Á boðstólum var að sjálfsögðu Norðlenskt lambakjöt og Goðapylsur ásamt öllu tilheyrandi. Allt rann þetta ljúft niður og voru starfsmenn Norðlenska og fjölskyldur þeirra mjög ánægð, ekki síst börnin sem fóru í leiki og voru leyst út með gjöfum þ.e.a.s. frisbee diskum og boltasettum.

Norðlenska hefur samið við Norðurorku og Rarik um öll sín orkukaup. Samningarnir eru til tveggja ára. Með þessu vonast fyrirtækið til að ná fram aukinni hagræðingu með sín orkukaup.

Norðlenska ehf. hefur styrkt Hetjurnar, félag aðstandenda langveikra barna á Norðurlandi, um eitt hundrað þúsund krónur og var styrkurinn afhentur í dag. Á nýafstöðnu ESSO-móti KA í knattspyrnu gaf Norðlenska öllum þátttakendum svokallað líknararmband, sem ýmis líknarsamtök hafa verið að selja til ágóða fyrir starfsemi sína, og jafnhliða ákváðu stjórnendur Norðlenska að styrkja Hetjurnar um eitt hundrað þúsund krónur.